ازاي تختار شقة في القاهرة الجديدة؟
قبل ما تاخد قرار إنك تشتري شقة في القاهرة الجديدة في حاجات لازم تعملها علشان تتأكد إن اختيارك مناسب.
دلوقتي مع زيادة عدد لناس اللي بتتجه للسكن في القاهرة الجديدة أو التجمع الخامس، أصبح لازم نوضح ازاي تختار شقتك، وعلشان نسهل عليك الأمر هنقولك ايه اللي المفروض تعمله علشان تختار صح.
أولاً: ازاي تختار شقتك في التجمع الخامس
علشان تختار شقتك صح لازم تتأكد من اختيار الموقع المناسب ليك، ودلوقتي الاختيارات كتير بسبب كثرة الأحياء الجميلة في التجمع الخامس زي حي بيت الوطن، حى النرجس، حي اللوتس الشمالي أو الجنوبى، مربع الجامعة الأمريكية، وغيرهم كتير من الأحياء الرائعة.
اختيار الموقع ميقلش أهمية عن قرب الموقع من الخدمات، لازم وأنت بتختار الموقع المناسب ليك تشوف مدى قربه من الخدمات اللي أنت محتاجها أوعلى الأقل يكون موعد تشغيل الخدمات مقارب لموعد استلامك شقتك.
الخطوة اللي بعد كده والأهم هي المعاينة: لازم قبل ما تشتري تروح بنفسك تعاين المكان لو لسه تحت الإنشاء أو تعاين الشقة لو هي جاهزة، ده غير معاينة الحي والشوارع وتتأكد من وجود الخدمات على أض الواقع.
أخر خطوة قبل الشراء هي التأكد من اسم وسمعة الشركة اللي هتشتري منها، وكمان تتأكد من صحة الأوراق اللي بتملكها الشركة للأرض المبني عليها المشروع، ودة بيكون عن طريق محامي متخصص بيقوم بالتأكد من كل الأوراق نيابه عنك.
ثانياً: ازاي تتأكد انك اختارت صح
علشان تتأكد إنك اختارت صح لازم تكون مقرر الأول إيه هي إحتياجاتك من الشقة للسكن أو الإستثمار وإنها مطابقة للمواصفات اللي انت محددها وكمان سهولة الوصول ليها، طرق ممهدة، وجود خدمات حواليها، كل دي حاجات هتخليك متأكد ان اختيارك كان صح.
